CEBU, Philippines - Mga banggiitang Muay Thai champions ang magpinaksitay sa ipahigayong “The Art of War” Muay Thai Tournament karong Hulyo 31 diha sa Mango Square grounds.
Lakip sa mosalmot mao ang 5-times Lumpinee Muay Thai Champion nga si Ajarn 'The Golden Leg' Pudpadnoy Wararutt sa Thailand, Philippine Olympic Medalist Johnny 'Igorot' Warrior Bitaga sa Baguio City ug ang garbo sa Sugbu nga si Eugene 'El Torrero' Toquero.
Mosalmot usab ang mga fighters gikan Metro Manila, Davao City, Cagayan De Oro City, Misamis Oriental ug Zamboanga City. (BANATNEWS)