CEBU, Philippines - Naka-eskapo ang Cebu Global Teleservices bitbit ang 57-55 nga kadaugan batok sa Accenture sa preliminary rounds sa 6th Inter-BPO basketball tournament didto sa City Sports Club-Cebu gym sa Cebu Business Park.
Si Luther Kong maoy nangulo sa kadaugan sa Cebu Global uban ang 18 puntos, samtang sila si Jeffrey Alegre ug Gaudencio Lauglaug misapsap og 12 puntos matag usa.
Samtang si Randy Bihag, kinsa mirehistro og game-high 28 puntos mao sab ang nangulo sa pilderong Accenture.
Sa laing duwa, ang Lexmark nakabawi gikan sa ilang kapildihan batok sa Titans ug ilang gipahimungtan ang Vector BPO, 76-38.
Nangulo sa kadaugan mao si Omar Saycon sa iyang 18 puntos, gisundan nilang Neil Armamento ug Clark Jay Judilla nga mitampo og 12 puntos matag usa.
Puntos Matag Usa
Unang duwa:
Lexmark (76) - Saycon 18, Armamento 12, Judilla 12, Granados 11, Tancio 10, Bayot 8, Pia 3, Antiquera 2
Vector BPO (38) - Reyes 10, Demape 8, Malagar 8, Bonsucan 6, Llave 6
Ikaduhang duwa:
Cebu Global (57) - Kong 18, Alegre 12, Lauglaug 12, Gabest 4, Linke 4, Tamayo 4, Calle 2, Osorio 1
Accenture (55) - Bihag 28, Abano 8, Cabahug 4, Paguia 4, Veloso 4, Abelardo 3, Balo 2, Parmacio 2. – BANAT NEWS