CEBU, Philippines - Padayong nanginhas og daog ang defending champion Convergys human sa ilang paglubong sa Western Wats, 67-47 sa 6th Inter-BPO Basketball Tournament niadtong miaging adlaw didto sa City Sports Club-Cebu basketball court sa Cebu Business Park.
Nasugamak ang Convergys paghuman sa unang 10 minutos sa duwa, 9-12, apan mibangon sa sunod nga kuwarter aron pag-ilog sa labaw sa halftime, 24-18 ug wala na kini molingi pa sukad niadto.
Si Mare Pajo mitira og 20 puntos, samtang si Arnold Esteban miabuno'g 10 puntos alang sa Convergys nga wala pay pilde sa lima ka duwa.
Sila si Dennis Noel Poquita ug Rhett Romeo Tomakin nagkumboya og 24 puntos alang sa pilderong Western Wats.
Sa laing bahin, ang Eperformax mipukan sa Calltek, 48-41, samtang ang Cebu Global milubong sa Vector BPO sa iskor nga 64-41.
PUNTOS MATAG USA
Unang duwa:
Eperformax (48) - Nebria 12, Chavez 6, Sargeant 6, Agua 4, Benlota 4, Boncalon 4, Arrieta 3, Paredes 3, Tan 3, Visoc 2, De la Cruz 1
Calltek (41) - Gellez J. 15, Gellez M. 12, Junio 5, Abellana 3, Arroyo 3, Martinez 2, Uy 1
Ikaduhang duwa:
Convergys (67) - Pajo 20, Esteban 10, Sugatan 7, Contreras 5, Espanola 4, Goricho 4, Mabanto 4, Corbet 3, Cuizon 2, De leon 2, Escalon 2, Garduque 2, Huerte 2
Western Wats (47) - Poquita 14, Tomakin 10, Inot 6, Silagan 6, Rivera 5, Dacuno 3, Sabellita 3
Ikatulong duwa:
Cebu Global (64) - Kong 14, Gabest 12, Linke 8, Alegre 6, Calle 6, Laug-laug 6, Golong 5, Osorio 5, Gutual 2
Vector BPO (41) - Nable 13, Cañete 11, Reyes 7, Demape 4, Espinoza 4, Everic 2 (BANATNEWS)