CEBU, Philippines - Gatosan ka mga riders ang mag-abot sa ipahigayong Power Sports Racing (PSR)-Skygo Underbone racing nga gitakda ugma diha sa Opra Plaza sa Brgy. Kalunasan, ning siyudad.
Gibahin ngadto sa tulo ka kategoriya -- beginners, novice ug expert class.
Mga top local ug out-of-town riders ang gilaumang mag-ilog sa titulo sa tagsa-tagsa sa dibisyon.
Ang nag-unang kandidato sa “Rider of the Year” nga si John Eleazar Adlawan padayon karong mipakita sa iyang abilidad dili lang sa motocross, apan lakip na usab sa underbone.
Uban ni Adlawan nga mosuway karon pagsakmit sa titulo sa expert class mao ang managsuong Jubenile ug Giovannie Abellar. Ang nagsunod ni Adlawan sa ranking nga si Menard Ladez maningkamot usab nga modaog aron mapalambo pa ang iyang ranking. – BANAT NEWS