CEBU, Philippines - Ang Cavs mikulit sa ilang ikaduhang sunod-sunod nga daog human nila gipilde ang Ace Penzionne, 68-66 sa nagpadayong aksiyon sa LLBA Rollway Cup basketball tournament didto sa Villas Magallanes gym sa Lapu-Lapu City.
Si Dandan Ramos maoy nagdag daog sa Cavs pinaagi sa iyang free throws sa katapusang 10 segundos.
Makahigayon pa untang makatabla ang Ace dihang ila ang ball possession, apan demalas kay nailogan sila sa bola.
Si Jimboy Igot maoy nangu sa Cavs pinaagi sa iyang 17, samtang si Ramos miabuno’g 15 puntos. Ang pilderong Ace gipangulohan sab ni Charlon Baguio pinaagi sa iyang 18, gisundan ni Buldog Ybañez nga adunay 12 puntos.
Sa laing duwa, ang Puyat Steel naka-eskapo sab bitbit ang 65-63 nga kadaugan batok sa All Box.
Ang team owner nga si Niel Belga maoy topscorer sa Puyat Steel nga miburak og 28 puntos ug si Edgar Lungay mihirit og 12 puntos. Samtang si Takyo Taghoy maoy nangulo sa pilderong Ace.
PUNTOS MATAG USA
Unang duwa:
CAVS (68) - Igot, 17, Ramos 15, Lamoste 9, Ompad 9, Barome 6, Bentazal 5, Bontes 5, Ceniza 4, Ouano 2
ACE (66) - Baguio 18, B. Ybañez 12, Portugaliza 6, Pamatungan 6, K. Ybañez 5, Decembrano 5, Manlangit 4, Lapoja 5, Tojeno 2, Mahusay 2
Ikaduhang duwa:
PUYAT STEEL (65) - Belga 28, Lungay 12, Lerasan 10, Soroño 8, Tempurada 4, Tampus 2, Leopats 2, Fuentes 2
ALL BOX (63) - Taghoy 19, Manlosa 10, Brown 9, Hiyas 6, Igot 6, Tampus 5, Reyes 4 (BANATNEWS)