CEBU, Philippines - Ang team Maningo ni playing coach ug team manager Kenneth Maningo naka-ikyas bitbit ang 88-85 nga kadaugan batok sa Artville sa nagpadayong San Isidro Basketball Association (SIBA) tournament didto sa barangay San Isidro open court sa Talisay City.
Sa laing duwa, ang Greenville milubong sa Gerali Team sa iskor nga 64-52.
Ang team Maningo nahimutang karon sa ikaduha nga dapit sa ilang 2-1 nga baraha, sunod sa Garces nga adunay 4-0 nga baraha.
Si Ramil Aniño maoy nangu sa team Maningo pinaagi sa iyang 29 puntos, samtang si Maningo miamot og 17 puntos.
Ang pilderong Artville nga adunay balanseng 2-2 nga baraha, gipangulohan ni Epili Samson, kinsa mipabuto'g 22 puntos.
Sa laing bahin, sila si Jonard Gomez ug Christian Ocañada nagkumboya og 33 puntos alang sa Greenville, samtang si Tata Debalucos nga mi-iskor og 24 puntos maoy nangu sa nangiwit nga Gerali team bitbit ang 0-4 nga baraha.
Puntos Matag Usa
Unang duwa:
Maningo (88) - Aniñon 29, Maningo 17, Aliponga 9, Villa 7, Jao 7, Comahig 4, Zafra 3, Pasigay 2, Retuya 2, Aldemita 2, Gentapa 2, Bacus 2, Baliguat 2
Artville (85) - Samson 22, Omambac 16, Pantonial 12, Flores 6, Parba 6, Alegado 6, Nabisaga 6, Cabahug 4, Dejan 4, Bacaltos 3
Ikaduhang duwa:
Greenville (64) - Gomez 17, Ocañada 19, Bacus 9, Estoconing 6, Santillan 5, Bayer 4, Wagas 4, Cadungog 2, Cajes 1
Gerali (52) - Debalucos 24, Deiparines 9, Basallo 7, Abatayo 4, Becoy 3, Debalucos 2, Gemparu 2. – BANAT NEWS