CEBU, Philippines - Nalupigan ni seventh-seeded Rocky Paglalunan ang second-ranked Elbert Anasta sa quarterfinals round sa 3rd Cebuana Lhuillier Men’s Open Tennis Tournament kagahapon didto sa Baseline Sports and Recreation Center.
Miabot og tulo ka oras una makuha ni Paglalunan ang 3-6, 7-6(9), 6-1 nga kadaugan.
Si Paglalunan gitakdang moharong sunod ni fourth-ranked Rolando Ruel sa semifinal round ugma.
Miabante sab si Ruel sa sunod hugna human sa iyang makutas nga kadaugan batok ni fifth-seeded Ralph Kevin Barte, 6-1, 3-6, 6-1.
Duha ka Sugbuanon nga sila Johnny Arcilla ug Patrick John Tierro ang magtigi alang sa laing sangka sa semifinals.
Si Arcilla miposte og 3-3, 6-1 nga kadaugan batok ni Ronard Joven, samtang si Tierro midemolis ni Alexander Lazaro, 6-4, 6-0. – BANAT NEWS