CEBU, Philippines - Duha ka dagkung lumba ang ipahigayon sayo ning buntaga sa managlahing binyu dinhi sa siyudad sa Sugbu.
Kini mao mao ang 1st Eagle Run diin adto kini ipahigayon sa Cebu Doctors' University (CDU) campus sa Mandaue City ug ang 1st Fair Trade "Run for a Cause" diha sa Asiatown IT Park sa Brgy. Apas, ning siyudad.
Gilaumang mokapin sa 1,000 runners ang managan sa 1st Eagle Run tungod sa paglakip sa 3K run gawas sa 10K ug 5K.Ganting salapi, medalya ug freebies ang madawat sa mga mananaog gikan sa sponsors sa maong lumba nga gipasiugdahan sa Sacred Heart School Boys (SHS) Batch 1985.
Sa laing bahin, 1,000 sab ka runners ang gilaumang mosalmot sa Fair Trade Run nga naglatid sa tulo ka kategoriya -- 10K, 5K ug 3K.
Ang lumba maoy motimaan sa pagsaulog sa World Trade Fair Week nga pagasalmotan sa mga businessmen, environmentalists, women groups ug youth volunteers. Ang sikat nga artista ug environmentalist nga si Chinchin Gutierrez gipaabot nga modagan sa 3K.
Ganting salapi ug mga medalya ang nagpaabot sa mga mananaog. (BANATNEWS)