CEBU, Philippines - Nakabangon ang University of Southern Philippines Foundation (USPF) belles human masugamak sa una nilang duwa pinaagi sa pagposte'g duha ka daog kagahapon sa 7th Shakey's Girls V-League National Finals nga uloha'g "Tournament of Championship didto sa Tacloban City.
Ang USPF ni coach Jordan Paca mipukan sa host Eastern Visayas State University (EVSU) sa Tacloban City sud lang sa duha ka sets, 25-13, 25-13.
Hinuon, ang USPF nangayo pa'g tulo ka sets una nila maangkon ang daog batok sa Davao City National High School, 25-10, 22-25, 25-18.
Ang mga beteranong sila si Jinky Garridos ug Cyd Demecillo maoy migiya sa kadaugan uban sa suporta gikan sa rookies sama nila ni Charie Mae Liaz, Maria Niña Fernandez, Sheena Quiño ug Shyrra Cabriana. – BANAT NEWS