CEBU, Philippines - Mipakita'g milagro ang San Pedro pinaagi sa pagtumba sa tag-as nga Calubihan, 100-91 sa juniors division sa nagpadayong San Nicolas Parish basketball summer league didto sa San Nicolas Parish Sports Activity Center sa Pahina San Nicolas.
Sila si Rommel Perez ug Gabriel Quindao maoy migiya sa San Pedro aron moposte'g 13 puntos nga bentaha sa halftime, 54-43.
Mitubo pa ang labaw ngadto na sa 15 puntos pinaagi sa fastbreak lay-up ni Nelson Booc, 64-59 paingon sa final period.
Bisan pa'g gilubong na og maayo, wala gihapon misurender ang Calubihan ug mibawos pa gani kini pinaagi sa ilang 25-10 rally aron pahakan ang labaw ngadto na lang sa single digit , 96-88.
Dali hinuon nasumpo sa San Pedro ang dautang laraw sa Calubihan ug nakarekober hangtod nga naangkon ang nuybe puntos nga kadaugan.
Puntos Matag Usa
San Pedro (100) - Ro. Perez 20, Quindao 18, Cabahug 14, N. Booc 11, Caballero 10, Padilla 10, Ry. Perez 6, Ra. Perez 4, Ferolino 2, Tenebro 1, J. Booc 1.
Calubihan (91) - Sari 30, Kriss Ann 18, Hilwyn 15, Kristy 12, Lauron 10, Caballero 4, Tals 2. – BANAT NEWS