CEBU, Philippines - Yano kaayong mikutlo og daog ang Teletech Titans pinaagi sa paglubong sa Eperformax, 63-41 sa 6th Inter-BPO Basketball Tournament 2010 didto sa City Sports Club-Cebu gym sa Cebu Business Park.
Sila si Laurenz Sultan ug Erwin Abellano nagkumboya'g 25 puntos aron pangulohan ang Teletech. Si Sultan miligwat og 13 puntos, samtang si Abellanosa miugbok og 12 puntos. Sila si James Ryan Blanes ug Lourenz Limpangog parehong misapsap og 11 puntos alang sa kadaugan.
Sa laing duwa, ang Aegis People Support mipulbos sa Cebu Global Teleservices (kanhi e-telecare) sa iskor nga 59-43.
Si Jomie Mendez maoy topscorer sa Aegis People Support pinaagi sa iyang 18 puntos, gisundan ni Mark Anthony Rabuy nga adunay 10 puntos.
Ang pilderong Cebu Global Teleservices gipangulohan ni Michael Adam Pagdalian, kinsa mikulit og game-high 17 puntos.
Puntos Matag Usa
Unang duwa:
TELETECH (63) - Sultan 13, Abellanosa 12, Blanes 11, Limpangog 11, Bugtai 7, Banua 5, Tejam 4
EPERFORMAX (41) - Paredes 12, Tan 8, Boncalon 7, Arrieta 4, Arnaiz 2, Nebria 2, Sayre 2, Tutor 2, Verano 2
Ikaduhang duwa:
AEGIS PEOPLE SUPPORT (59) - Mendez 18, Rabuya 10, Barrera 6, Nayon 6, Zanoria 5, Dysam 4, Roma 4, Alcordo 2, Amarado 2, Arriesgado 2
GLOBAL TELESERVICES (43) - Pagdalian 18, Castro 4, Gabest 4, Kong 4, Dorado 3, Linke 3, Buot 2, Laug-laug 2, Osorio 2. – BANAT NEWS