CEBU, Philippines - Dul-an sa 6,000 ka mga runners ang managan sayo ning buntag sa pagsikad sa 2nd Great Lapu-Lapu Run didto sa Liberty Shrine sa Mactan.
Ang lumba nga maoy mosubo sa kasaulogan sa Kadaugan sa Mactan festival apilan sa mga dekalibreng runners.
Gawas sa 5K ug 3K Fun Run, ang organizer mogamit og "timing chips" alang sa 21K ug 10K races.
Mga runners nga angay'ng tutokan sa men's category naglakip ni Cebu-based Kenyan missionary Simon Losiaboi, Mendel Lopez, Ben Alejandrino, Eric Panique ug sa managsuong Sabal -- Cris ug Elmer.
Sa pikas bahin, mao sila si Mary Grace de los Santos, Madelyn Carter, Maricel Maquilan, Aileen Tolentino ug Miscelle Gilbuena.
Ang unang Filipino finisher sa male ug female division ubos sa 21K run makaangkon og libreng biyahe ngadto sa Standard Chartered Hong Kong Marathon kortesiya sa Cebu Pacific, samtang ang organizing Lapu-Lapu Sports and Events Bureau Inc. maoy moabaga sa accommodation ug entry fee sa nahisgutang lumba.
Kapin sa P240,000 nga ganting salapi giandam alang sa mga mananaog sa top performers sa maong kalihukan.
Ang kampiyon sa 21K makaangkon og P20,000, ang second ug third placer makadawat og P15,000 ug ang third placer mobulsa og P10,000.
Sa 10K run, ang top three finishers mobulsa og P5,000, P4,000 ug P3,000 matag usa. (BANATNEWS)