MANILA, Philippines - Pinalawig pa ang pagpapatala para sa Earth Day Run na gagawin sa April 18 sa SM Mall of Asia sa Pasay City.
Ang mga magpaparehistro sa online gamit ang www.natgeorun.com ay bukas pa hanggang Abril 14 habang sa April 15 naman pa matatapos ang magpapalista sa Nike outlet sa Bonifacio High Street.
Marami pa ang nagnanais na magpalista kaya’t inaasahang malaking bilang ng mananakbo ang tutugon sa karera na ang layunin ay makalikom din ng pondo na ipagkakaloob sa Design Agaist the Elements (DatE).
Sa kasalukuyan ay pumalo na sa 3000 ang mga mananakbo na nagpatala sa kompetisyon na inorganisa naman ni Jude Turcuato, ang FOX International Channel Territory director.