CEBU, Philippines - Miabante na sa kampiyonato ang Cebu Elite Under-14 squad human ilang gipalagpot ang host-Negros Occidental Football Association (NOFA) sa ilang semifinal match sa Regional Festival of Football kagahapon didto sa San Carlos City.
Ang Cebu Elite team ni Oliver Colina miposte og 3-0 batok sa NOFA.
Si Koko Gauduiel mihimo'g duha ka sunod-sunod nga goals sa sayong bahin sa duwa, samtang ang laing goal nakuha kortesiya ni Marlon Iwayan.
Ang Cebu Elite team makigsangka batok sa walay pildeng Negros Oriental Football Association (NOrFA) alang sa Under-14 crown. (BANATNEWS)