CEBU, Philippines - Nahikay na ang tanan alang sa pagpahigayon sa 1st Elle Lao Cup 2010 basketball tournament nga gikatakda karong Abril 10, 2010 didto sa dakbayan sa Lapu-Lapu.
Gipasiugdahan sa Lao Customs Brokerage uban sa suporta sa Basic Land Realty, ang torneyo gisalmotan og walo ka teams.
Mga koponan uban sa ilang tagsa-tagsa ka team managers mao ang Lao Customs Brokerage ni Ronald Pino, LCB ni Jonnel Entero, Pacific Concord ni Jomar Greljaldo, Basic Land Realty ni Richmond Dente, Airlift ni Virgilio Dumabuk,
TNT ni Allan Encorporado, Teradyne ni Luis Remidio ug Kuehne & Nagel ni Rodel Limdaga.
Ang torneyo mosubay og single-round robin diin ang top four teams magsangka sa crossover semifinals. Ang mga mananaog maoy magsangka sa tinaktakay nga kampiyonato.
Ang labing unang Elle Lao Cup pagaduwaon matag adlaw'ng Sabado ug Domingo uban ang duha ka duwa nga sugdan sa alas-4 sa hapon. (BANATNEWS)