CEBU, Philippines - Atangan karon ang defending national champion M.Lhuillier Kwarta Padala-Cebu Niños sa pagbukas sa pre-season games sa Smart-Liga Pilipinas Conference 4 karong hapon diha sa Cebu Coliseum.
Ang Cebu Niños ni legendary coach Raul “Yayoy” Alcoseba makigharung sa Trace-Laguna Stallions sa opening game sa alas-5 sa hapon, sundan sa lahugay tali sa Ave Maria Sanctuary Park ug Gen.San MP Warriors ni Manny Pacquiao sa alas-7:00 sa gabii.
Ang upat ka adlaw nga torneyo nga magsilbeng tune-up games alang sa nagsingabot nga regular season sa Liga Pilipinas nga mosikad sunod buwan, magsunod sa single round robin format diin ang duha ka top teams sa standing mao ang magsangka alang sa finals.
Lab-as pa gikan sa ilang malampusong kampaniya sa miaging season diin mikulit sila og kasaysayan pinaagi sa ilang 21-game sweep, ang Niños tinguha karon nga moangkon sa ikatulo nilang kampiyonato alang sa M.Lhuillier franchise. - Lemuel P. Maglinte (BANAT NEWS)