Reyes hinugot ni Chongson para sa Cobra

MANILA, Philippines - Si Jai Reyes ng back-to-back champions Ateneo De Manila University ang isa sa mga nagpahirap sa University of the East sa nakaraang champion­ship series ng 72nd UAAP men’s basketball tournament.

Matapos ito, makakasama ni UE head coach Law­rence Chongson ang 5-foot-6 pointguard para sa pagsabak ng kanyang Cobra Energy Drink sa 2010 PBL PG Flex-Erase Placenta Cup.

“I have no problems with Reyes, he’s cooperative, pa­tient and very disciplined which are the traits of a good player,” wika ni Chongson sa dating Blue Eagle.

Makakasama ni Reyes sa Cobra ang kanyang ka­kampi sa Ateneo na si Eric Salamat bukod pa kina UE Red Warriors Paul Lee, Parri Llagas, Raffy Reyes at Paul Zamar.

Magbubukas ang torneo sa Martes sa The Arena sa San Juan.

Magiging tampok rin sa 2010 PBL PG Flex-Erase Placenta Cup si­na Chris Camus ng Uni­versity of Santo To­mas, Mark Sarangay ng Mapua, Raffy Ynion ng University of Perpe­tual, Calvin Abueva at Ro­nald Pascual ng San Sebastian College at Argel Mendoza ng Emilio Aguinaldo College.

Maglalaro naman sa Ascof Lagundi si 2009 NCAA Finals MVP Jimbo Aquino ng Stags. (Russell Cadayona)