CEBU, Philippines - Ang Ave Maria nga gipangulohan ni Aldrin Ocañada milubong sa MBC-Mandaue walay kukaluoy nga milubong sa MBC-Mandaue, 92-71 sa Open division sa Agus Basketball Association-Lapulapu Basketball Association (ABA-LLBA) Fiesta Cup 2010 didto sa Barangay Agus gym, dakbayan sa Lapu-Lapu.
Milabaw lang og tres puntos ang Ave Maria sa first quarter, 26-23 sa giya nilang Ocañada ug Marvin Tundag. Apan milusad kini og 23-11 rally aron pagposte og 21 puntos nga bentaha sa third quarter, 67-46.
Si Ocañada mikimada og 15 puntos alang sa Ave Maria, kinsa wala magpatugaw sa maong duwa, samtang si Tundag milunod og 11 puntos.
Sa laing duwa, ang Comfa Merchandise mikulit sab og daog human gipilde ang Tango cs.com ni team owner Ronald 'Don' Ryan sa iskor nga 80-76.
Si Kakay Versoza maoy topscorer sa Comfa pinaagi sa iyang 16 puntos, gisundan ni Boboy Ciriaco nga adunay 14 puntos, sila si Mario Bancale ug Archie Ompad midiskarga og 12 puntos matag usa.
Ang napildeng Tango gipangulohan ni Rene Cuadra, kinsa mibahog og 15 puntos. Si Warren Congsuco miamot og 14 puntos, si Dandan Ramos mitimbre og 12 puntos ug si Jun Pardillo mitimang og 11 puntos.
Ang ABA-LLBA Fiesta Cup gipaluyohan sab ni Agus Brgy. Capt. Joven Lauron, Councilor Jimboy Igot, Digo Tampus, Aqua Jamilla ug Jems Sportswear.
PUNTOS MATAG USA
COMFA (80) -Versoza 16, Ciriaco 14, Bancale 12, Ompad 12, Sepe 8, Gomos 5, Giganto 4, Bontes 2, Edig 2
TANGO (76) - Cuadra 15, Congsuco 14, Ramos 12, Pardillo 11, Ouano 7, Gutib 4, Fuentes 3, Aton 2 Jornales 2
AVE MARIA (92) - Ocañada 15, Villaver 12, Tundag 11, Lapiz 10, Biberia 8, Amores 6, Pacinilo 6, Estupillo 6, De la Peña 5, Duran 4, Tabolong 4, Senining 2, Lapiz 2
MBC-MANDAUE (71) - Dolendo 13, Padilla 13, JNJ 12, Cabahug 11, Tabasa 5, Mendoza 7, Espina 3 (BANATNEWS)