CEBU, Philippines - Milampos ang Mandauehanong si Rommel Tuñacao paglangkat sa bulawang medalya sa 2010 National Youth Amateur Boxing Championship nga natapos kagahapon didto sa Puerto Princesa sa Palawan.
Si Tuñacao midaog pinaagi sa decision batok sa pambato sa Baguio City nga si Jude Ian Lescano, 18-16 sa 28 kgs.division.
Apan pakyas ang kauban ni Tuñacao nga si Rheson Tarona dihang gipahunong siya sa second round ni Rafael Jalnaiz sa Misamis Oriental, kanhi anak ni Olympian Roberto Jalnaiz. Si Tarona miuli bitbit ang silver medal.
Si Richard Rama mitunol og bronze medal sa Mandaue human mapilde batok ni Ian Fabila sa host team Puerto Princesa. (BANATNEWS)