CEBU, Philippines - Ang National University (NU) Lady Bulldogs basketball team, mohimo'g duha ka adlaw nga try-outs dinhi sa Sugbu karong Pebrero 5-6 diha sa USC gym.
Sa Pebrero 5, ang try-out pagahimuon gikan sa alas-8 sa buntag hangtod sa alas-10 sa buntag. Inig Pebrero 6, gikan sa alas-10 sa buntag hangtod sa alas-12 sa udto.
Gi-awhag ang tanang fourth year high school players sa pagsalmot sa try-outs.
Dawaton sab atol sa try-outs ang mga first ug second year college players.
Matud pa ni USC Warriors assistant coach Ryan Betia, nga si NU Lady Bulldogs team manager Mike Tan moanhi sa Sugbu aron mosaksi sa maong kalihukan.
Ang makuha ug mahimong sakop sa team makaduwa ugma damlag sa UAAP. – BANAT NEWS