CEBU, Philippines - Ang tandem nilang Toybatz Bandolon ug Alan Bejuna maoy nanghawod sa 2010 Wowie Racines Cup Sinulog Darts Doubles Tournament niadtong miaging gabii diha sa Baseline Sports and Recreation Center.
Si Bandolon sa San Carlos City ug ang Sugbuanong si Bejuna mipukan sa paresan nilang Arnel Guba ug Lito Pepito sa deciding game, 2-1 aron langkaton ang korona.
Sila si Jojo Juliano ug Jeff Bart Bartolini maoy mi-okupar sa ikatulo nga dapit, samtang sila si Alvin Villa ug Eugene Managuit mipahiluna sa ikaupat nga dapit.
Mikompleto sa unang-walo ka mananaog mao ang tandem nilang Nilo Janson ug Jerome Perales, Gil Arco ug Gerald Badayos, Warren Hernaez ug Danny Bacazon ug Jun-Jun Daclan ug Steve Montenegro. (BANATNEWS)