CEBU, Philippines - Subli na sab nga mag-abot ang mga Sugbuanon nga may hilig sa ahedres kon chess alang sa Sammy R. Galan Chess Tournament diha sa Brgy. Apas Sports Complex.
Sugdan ang duwa sa ala-1 sa hapon ug mobalik ang aksiyon sa Domingo sa alas-9 sa buntag.
Ang 7-round Swiss system competition adunay tulo ka kategoriya -- Class B, kiddies ug women's open.
Ang kampiyon sa Class B mobulsa og P1,500, ang mopahiluna sa ikaduha makadawat og P1,000, ang mo-okupar sa ikatulo makaangkon og P500, samtang ang mokapyot sa ikaupat makadawat og P300.
Ang motungtong gikan sa ikalima hangtod sa ikapito nga dapit makadawat og consolation prize nga P200 matag usa.
Ang top finisher sa kiddies class mobitbit og P1,000, samtang ang ikaduha hangtod sa ikalima makadawat og P500, P300, P200 ug P100. Ang top three winners sa women's bracket makaangkon og P600, P400 ug P200.
Ang registration nagkantidad og P75 alang sa Class B, P50 alang sa kiddies ug P30 alang sa women's category. – BANAT NEWS