CEBU, Philippines - Gihatagan lamang hangtod karong adlawa ang mga runners nga modagan sa 5K run sa Cebu City Marathon nga mosikad karong Enero 10 diha sa Asiatown I.T Park diha sa Brgy. Lahug, ning siyudad.
Giklaro hinuon sa organizers nga wala pa nila sirad-i ang registrations alang sa 21K half marathon ug 42K marathon tungod kay kinahanglan pang i-proseso ang mga ChampionChip nga maoy gamiton sa lumba.
Sa pagka karon, may 1,600 na ka runners ang nagpalista sa 5K run, samtang adunay 500 runners sa 42K ug laing 650 runners ang nagparehistro sa 21K half marathon.
Ang registration fee alang sa 5K run nagkantidad og P250 libre na ang singlet ug race packet. Ang pagahimuon diha sa Active Zone sa Ayala Center-Cebu.
Alang sa Manila-based runners, mahimong magparehistro didto sa Runner sa Boni High Street o bisita sa www.cebumarathon.com.
Ganting salapi ang nagpaabot alang sa mananaog sa 5K run. Ang kampiyon sa mens ug women’s open mobulsa og P5,000, ang second placer makadawat og P2,500 ug ang third placer makaangkon og P1,250. – BANAT NEWS