CEBU, Philippines - Pormal na nga itunol sa M. Lhuillier Kwarta Padala-Cebu Niños ang national championship trophy nga ilang nadaog sa Liga Pilipinas Conference 3 ngadto ni team owner Michel J. Lhuillier karong alas-7 sa gabii nunot sa ilang tinuig nga Christmas party diha sa Yayoy's Grill and Resto Bar.
"This championship trophy means a lot not only for us for the entire Cebuano community. This turnover may be simple but very symbolic in nature in the sense that this will be the team's way of repaying the unflinching support accorded to us by our boss (Lhuillier)," matud pa ni M. Lhuillier's legendary coach Raul "Yayoy" D. Alcoseba.
Ang Niños bag-o lang mikulit og makasaysayanon nga kadaugan ning duha ka tuig nga community-based league. Napatik sab ang Niños sa kasaysayan nga labing unang team, kinsa mitapos sa conference nga walay pilde.
Ilang giharos ang tanan nilang 21 ka duwa ug ilang gilubong og 35 puntos ang MisOr Meteors aron mapanalipdan ang ilang korona.
Napun-an sab ang dungog sa Niños dihang si Woodrow Enriquez maoy midaog sa regular season MVP award, samtang si Stephen Padilla, kinsa nakaduwa sa Cebu Gems sa nabungkag nga Metropolitan Basketball Association (MBA) ug sa Alaska Aces ug Air21 Express sa PBA midaog sa Super Leg Finals MVP. – BANAT NEWS