CEBU, Philippines - Mingaw ang kadalanan, nahipos ang mga badlungon, nagpunsisok ang gym, saba ang mga restaurants ug kabalayan ug sa kinatibuk-ang sumada, may usa ka kuto nga gitusod sa atong kababayan.
Mao kini ang pipila lang ka talan-awon kagahapon atol sa away ni Manny “Pacman” Pacquiao batok sa tinuod nga pambato sa Puerto Rico nga si Miguel Cotto nga atong nasaksihan sa telebisyon pinaagi sa live feed sa pay-per-view gikan sa MGM Grand garden arena sa Las Vegas, Nevada.
Dili man unta ako daling patuhoon niining mga commmercials apan motuo na ako nga kining kuto sa Puerto Rico madutlan lang diay og shampoo. Abi nako’g dog shampoo maoy kinahanglan apan dili diay.
Makalolo-oy tan-awon ang hitsura ni Cotto nga abi nako’g ang NBA player nga si Jerry Stackhouse. Kining atong mga komedya aduna gyuy sense maong dugay kitang matiguwang mga Pinoy tungod sa atong pagka-gwatsinanggo.
Gitumba ni Pacquiao si Cotto sa pagsugod sa third round ug dayon iya na sab kining gipakamang sa fourth round hangtod wala na makaagwanta si Cotto sa 12 rounds ug gi-undang na lang sa referee aron modaog sa 12th round TKO. Si Pacquiao mao na karo’y bag-ong WBO welterweight champion sa kalibotan nga maoy iyang ikapitong titulo nga nakapahimo niyang labing maayong boksidor sa tibuok kalibotan.
May usa ka boxing fan didto sa MGM Grand nga nagpakita’g poster nga “Mayweather is next”, so pagbantay ni Pacquiao, Floyd kay ang Wapakman hapit na molupad sa kawanangan. Kining Wapakman usa kini ka salida nga gibidahan ni Pacquiao nga isalida karong Disyembre nga usa sa entry sa Metro Manila Film Festival.
Sa maong away, napilde si Freedie Roach og 1,000 dollars kay ang iyang panag-an ma-knock out man si Cotto sa first round apan dako ako’g pagtuo nga midaog og minilyon ka pesos si Chavit Singson nga kanunay gyud mokuyog matag away ni Pacquiao. Didto sab sa iyang kiliran ang tv host nga si Willie Revillame nga pwerteng kupot sa abaga ni Pacquiao ug sa pikas kilid si Jinky.
Samtang nagsaulog kita sa kadaogan ni Pacquiao, ato sab i-ampo ang daling pagka-ayo ni Z Gorres kinsa na-ospital karon didto sa Amerika human siya mo daog pinaagi sa unanimous decision batok sa Colombian nga si Luis Melendez kaniadtong Biyernes sa gabii.
Human mapilde si Cotto, gisugat siya sa agianan sa dressing room sa iyang anak lalaki ug babaye ug sa iyang asawa. Iya sab gitimbaya si Pacquiao nga nagpakita sa iyang sportsmanship. Mao kini ang tinuoray nga away sa mga lalaki human sa kapungot, biyaan dayon kini didto sa ring ug maghigalaay na sab gawas sa ring.
Matud pa ni Pacquiao nga nakadayeg siya sa kalig-on ni Cotto kay bisan gi-unsa niyag kulata, nagbarug lang gihapon ug gikaon lang ang iyang mga kinumo. Sa pagka karon, wala pay tataw nga laraw kung kinsay sunod niyang kontrahon apan sumala pa niya nga iya unang gahinan og panahon ang iyang pamilya.
Congrats Pacman. Atangi WAPAKMAN sa paborito ninyong mga sinehan.
Miscellaneous. Ateneo alumni from Cebu led by our friend in basketball Jack Huang held an Ateneo Blue Night last November 13 at the northwing of SM City to commemorate their alma mater’s 150th founding anniversary from Escuela Municipal de Manila to Ateneo de Manila University and to celebrate their back-to-back championships in the UAAP in both the seniors and juniors basketball teams. Also present during the affair were basketball patron and Cebu Landmasters-Mandaue team owner Joe Soberano and cycling patron from Danao City Oscar “Boying” Rodriguez of the Danao City Sports Commission. Huang invited here to Cebu coach Norman Black and team manager Paolo Trillo. Animo Ateneo. I witnessed the Cotto-Pacquiao fight at the residence of San Miguel Shipping and Lighterage Corp. finance officer Mike Sususco in Mandaue City together with Korean harbor pilot Capt. Shin Hyung-Jeong, his wife Maria and Romy Cal. – BANAT NEWS