MANILA, Philippines - Nakatuon ang spotlight ngayon sa pangunahing junior hoopsters mula sa Visayas sa pagdribol ng Best Center Small Basketeers of the Philippines (SBP-Passe-relle Visayas regional finals sa Oktubre 23 hanggang 25 sa Capiz Gym sa Roxas City.
Tatlong araw na kapana-panabik na aksiyon sa junior basketball ang magaganap sa pagpapamalas ng mga pinakamahuhusay na elementary at high school teams sa Visayas para makuha ang karapatang katawanin ang rehiyon sa national championships.
Sabik na ang mga players mula sa Ateneo de Iloilo, Filamer Christian School of Roxas City, St. John Institute of Bacolod at University of San Carlos-South of Cebu sa SBP division.
Sa Passarelle division, maglalaban-laban ang mga junior cagers mula sa Iloilo Central Commercial High School, College of St. John Roxas City, St. John Institute of Bacolod at Sacred Heart School-Jesuit of Cebu.