CEBU, Philippines - Gipunting sa wwwfedguns.ph ang ilang armas ngadto sa Ave Maria Sanctuary Park aron pagposte ug 94-90 nga kadaogan kagabii atol sa nagpadayong Power Forty Christams League basketball tournbament didto sa Inayawan Sports Complex.
Sulagma sab kaatong midaog ang UTASSCO ug kuatro puntos dihang ilang gipukan ang Nelly’s Farm sa iskor, 90-86.
Unom sa napulo ka player sa fedguns nga mipatim-aw mihipos ug double figures pinangulohan ni konsehal Jojo Ibones sa Pardo kinsa mipoa ug 19 puntos.
Sila si Mario Tabar, Gogo Fuentes ug Efren Mosqueda parehong miburak ug 20 puntos alang sa Ave Maria kinsa nakigtabla na sa fedguns sa ilang 1-1 nga baraha.
Ang 2-0 nga UTASSCO gipangulohan ni Alex Mercado kinsa mihakot ug 29 puntos ug si Jun Nacional mitampo ug 22 puntos.
Nahanaw daw bula ang 32 puntos nga gisakmit ni Carding Vernaiz tungod kay ang Nelly’s Farm naka-angkon na ug 0-2 nga baraha.
Puntos matag usa:
First Game:
wwwfedguns.ph (94)— Ibones 19, Javierto 15, Nacional 14, Nacario 12, Abadejos 10— Tabar 20, Mosqueda 20, Fuentes 20, Traya 14, Romariz 7, Ocampo 6, Navares 3
Second Game:
UTASSCO (90)— Mercado 29, Nacional 22, Yosores 14, Cabrera 13, Batac 6, Yu 4, Pestaño 2
Nelly’s Farm (86)— Vernaiz 32, Lisondra 18, Reyes 12, Sabejon 6, Colinares 3, Navares 2. - (Gabby G. Malagar (BANAT NEWS)