CEBU, Philippines - Gikatakdang mag-abot ang mga dekalibreng shooters gikan sa nagkadaiyang gun clubs lukop nasud aron magpinuntingay sa ipahigayong 4th Gullas Cup nga mo-ulbo karong Biyernes diha sa BJMP Compound sa Maghaway firing range sa Talisay City.
Ang torneyo gibahin sa upat ka dibisyon -- Open, Standard, Production ug Revolver STD.
Ang kampiyon sa standard law/mil hi-cap, standard law/mil single stack, production law/mil, revolver ug modified makadawat og ganti.
Aduna kini registration fee nagkantidad og P1,200 alang sa regular shooter, P200 alang sa club member, P600 sa mga military, polis ug junior shooters.
Alang sa dugang mga kasayoran, mahimong motawag sa Talisay City Sports Commission (TCSC) sa numero 2722755.
Ang maong torneyo gipasiugdahan sa Cebu Talisay Aqua City Gun Club, Inc. uban sa abag sa TCSC ug sa Philippine Practical Shooting Association (PPSA).
============ (FREEMAN NEWS)