CEBU, Philippines - Nagpakita dayon og gilas ang Park ‘N Go Bakeshop dihang mi-iskor kini og 94-88 nga kadaugan batok sa defending champion UTASSCO Utility sa pagbukas sa Power Forty basketball tournament Christmas League niadtong Martes sa gabii sa Inayawan Sports Complex.
Sa lain pang mga duwa, mikawos sab og daog ang Water Market dihang ilang gilumsan ang www.fedguns sa iskor nga 92-73, samtang ang Ave Maria mipaluhod sa Nelly’s Farm, 100-92.
Wala gihapon matay-i ang abilidad ni Michael Arias ug iyang gipangulohan ang Park N' Go pinaagi sa iyang 27 puntos samtang si Melvin Layon midugang og 20 puntos. Sila si Loloy Dejarme ug Sammy Atillo nagkumboya og 34 puntos alang sa Park N' Go.
Ang pilderong UTASSCO gipangulohan ni Jun Nacional nga mipabuto og 23 puntos. Laing upat ang mihipos sab og double figures alang sa UTASSCO.
Si Vez Eleguin mitimba og 22 puntos ug si Allan dela Rama mihakot og 20 puntos alang sa Water Market. Ang fedguns gipangulohan ni Nestor Javierto, kinsa mipabuto og 15 puntos.
Sa laing bahin, si Gogo Fuentes miburak og 31
puntos aron pangulohan ang Ave Maria, samtang si Alex Albaño, kinsa miani og 23 puntos mao sab ang
nangulo sa pilderong Nelly’s Farm.
PUNTOS MATAG USA
Unang duwa:
Water Market (92) - Eleguin 22, Dela Rama 20, Dejacto 14, Genzon 10, Bughao 9, Abella 8, Abellana 5, Dacalos 2, Yosores 2
www.fedguns.ph (73) - Javierto 15, Ibones 13, Abadejos 10, Nacario 9, Rosal 7, Mabalcon 5, Rabadon 2, Abarquez 2
Ikaduhang duwa:
Park 'N Go (94) - Arias 27, Layon 20, Dejarme 18, Atillo 16, Rama 8, Bacalso 3, Echavez 2
UTASSCO (88) - Nacional 23, Labajo 16, Yosores 14, Cabrera 13, Batac 13, Yu 5, Pestaño 4
Ikatulong duwa:
Ave Maria (100) - Fuentes 31, Tabar 17, Traya 16, Navares 13, Mosqueda 13, Ocampo 6, Romariz 4
Nelly’s Farm (92) - Albañ 23, Lisondra 18, Reyes 16, Sabejon 12, Navares 9, Gabuya 6, Colinares 6, Nuñez 2 (BANATNEWS)