CEBU, Philippines - Pagdaog maoy tumong sa defending champion University of San Carlos (USC) North Campus ug Sacred Heart School-Jesuit (SHS-J) aron daku’g purohan nga madepensahan ilang tagsa-tagsa ka titulo sa Milo BEST SBP/Passerelle Twin Tournament.
Laraw sa USC-North nga mokulit og back-to-back championships sa Small Basketeers Philippines (SBP) division ug moharong kini sa SHS-J sa cross-over semifinals karong adlawa diha sa University of Southern Philippines Foundation (USPF) gym.
Ang 2008 SBP runner-up Don Bosco moharong sab sa USC-South alang sa laing duwa sa semifinals.
Si Anthony Pestaño sa USC North gilauman nga mowadwad karon uban nila ni Shann Tan, Clint Suelto ug Arnie Padilla nga maoy mga pambato ni coach Galimar Largo.
Sa lain pang duwa sa semis, ang Don Bosco magsalig sa ilang power playing duo Cris Dominic Yap ug Denielle Aying uban sa suporta nilang Johnedel Chi ug Niño Geraldizo.
Ang USC South moparada nilang Juneou Franz Antigua, Paul Galinato ug Carlo Ortega. – BANAT NEWS