CEBU, Philippines - Gitangtang na sa listahan isip sakop sa Cebu Institute of Technology (CIT) Wildkittens si Patrick Niño Bancale tungod sa rason nga dili na mabangbang ang iyang pagka-suplado ug sa kagahi'g ulo niini.
Mao kini ang gibutyag dinhi sa Banat News sa usa sa ilang coaching staff nga si Mark Anthony Tallo, kansang anak nga si Mark Jayven Tallo usa sa mga sinaligan sa Wildkittens.
Matud pa ni Tallo nga nagsugod kaaslom ang relasyon sa team tali ni Bancale human sa ilang kapildihan gikan sa mga kamot sa University of Southern Philippines Foundation (USPF) Baby Panthers sa overtime.
Pagka sunod adlaw, si Bancale wala moapil sa praktis ug may daghan kaayong mga katarungan nga walay labot ang team.
Matud pa ni Tallo dili nila igsapayan nga wala si Bancale sa team kay sa anaa siya nga maapektahan ang koponan. – BANAT NEWS