CEBU, Philippines - Nangharos na usab ang Mindanao runner nga si Mary Grace delos Santos dihang iyang nasakmit ang 8K women’s open sa Philippine Society of Mechanical Engineers (PSME) Scholarship Run niadtong Domingo.
Ang taga-Zamboanga nga si Delos Santos nitapos sa lumba sa oras nga 31:13.496, gisundan ni Mary Joy Tabal nga mipahiluna sa ikaduhang puwesto sa oras nga 38:25.882, samtang si Florence Mata maoy mitungtong sa ikatulo sa oras nga 43:13.257.
Sa iyang bahin, si Critfrankreadel Indapan mao sab ang misakiyo sa titulo sa men's open dihang iyang gipilde si Elmer Bartolo.
Gitapos ni Indapan ang lumba sa oras nga 25:47.057, samtang si Bartolo mirehistro og oras nga 25:58.186.
Sa maong kadaugan, sila si Delos Santos ug Indapan mibulsa og P3,000 nga ganting salapi.