CEBU, Philippines - Kapin sa 700 ka mga runners ang modagan sa Philippine Society of Mechanical Engineers (PSME) Scholarship Run nga mosikad karong buntag diha sa Baseline Restaurant sa Juana Osmeña St., ning siyudad.
Ang lumba nga gibahin sa duha ka dibisyon -- 4K ug 8K Open sugdan sa alas 5:30 sa buntag.
Gawas sa mga top runners, modagan usab ang mga estudyante sa nagkadaiyang kolehiyo ug unibersidad dinhi sa Sugbu nga nagkuha sa kursong mechanical engineering.
Ang makampiyon sa 8K makadawat og P3,000, samtang sa 5K mobulsa og P2,500.
Tumong sa PSME sa ilang paglusad sa maong lumba mao ang pagtigom og pundo aron itabang sa ilang mga scholars nga nagkuha sa kursong mechanical engineering diha sa Cebu State College of Science and Technology (CSCST).