CEBU, Philippines - Nasakmit sa Pañeros quintet ni playmaker Jun Felicitas ang kataposang luna sa semifinals human ilang giyabo ang Pistons nga gipanglulohan sa magsoong Estong ug Enric Rama sa iskor, 84-73 kaniadtong Sabado sa nagpadayong 3rd season of the Integrated Bar of the Philippines (IBP) 2009 basketball tournament didto sa Capitol Parish gym sa dalan Escario, ning dakbayan.
Ang Pistons maoy unang naglabaw sa iskor 23-15 ug padayong naghupot sa labaw sa halftime sa iksor, 40-38.
Apan sa kalit lang, naghaguros dayon ang Pañeros human ilang na-outscore ang Pistons, 21-13 sa third period luyo sa impresibo kaayong mga tirada ni Felicitas kinsa maoy nangu sa ilang team sa iyang 18 puntos.
Ang Pañeros naglabaw na og sayis puntos 59-53 padulong na ngadto sa fourth quarter ug ilang gitiwasan ang Pistons didto sa naghinapos nga oras aron modaog og 11 puntos.
Gawas kang Felicitas, laing tulo ka kauban sa Pañeros midugang og double figures ug naningkamot og maayo sila si Ting Ordeniza kinsa miabuno og 13 puntos, si Barry Busi may 12 puntos ug si Nilo Balorio may 11 puntos.
Mi-iskor sab si Lito Ortiz ug 18 puntos aron pangulohan ang Pistons ug si Steve Pascua miamot og 11 puntos ug parehong mitunol og 10 puntos sila si Ric Lavial and Gerald Mendoza.
Puntos matag usa:
Pañeros (84)— Feliciatas 18, Ordeniza 13, Busi 12, Balorio 11, Calipayan 6, Manching 6, Aliño 6, Molde 6, Pepito 4, Cagulada 2
Pistons (73)—Ortiz 18, Pascua 11, Mendoza 10, Lavial 10, En. Rama 10, Sususco 6, Es. Rama 5, N. Rama 3. - Gabby G. Malagar (BANAT NEWS)