CEBU, Philippines - Liboan ka mga volleyball athletes ang mag-abot karon alang sa general assembly sa Governor Gwen Garcia Unity Volleyball Cup (GUV Cup) for men and women diha sa Summit Hall sa Cebu International Convention Center (CICC) sa Mandaue City.
“Compared to the previous years that we had the general assembly at the Capitol Social Hall, we believe it could no longer accommodate everyone for such a big gathering especially with the inclusion of the men's teams. That's the reason why we decided to hold it at CICC,” matud pa ni Cebu Volleyball Association (CEVA) director for development affairs Jerry Winona Catipay.
Ang ID system ang implementar atol sa maong kalihukan ug ingon ang paghatag sa official balls ug nets sa tanang mga partisipanteng koponan.
Matud pa ni Catipay nga kinahanglan ang presensiya sa mga atleta kay ilang ipahibalo ang ubang mga lagda sa Federation Internationale de Volleyball (FIVB) nga estriktong ipatuman karong tuiga.
Sa miaging tuig, ang tinuig nga GUV Cup nahimong makasaysayanon ang 52 ka dagkung mga siyudad ug kalungsoran nga nalakip sa probinsiya sa Sugbu ang nisalmot sa kompetisyon.
Sa laing bahin, ang CEVA mihan-ay na alang sa mabulokong opening ceremony sa 5th GUV Cup for men and women karong Septiyembre 19 diha sa Mandaue City Sports and Cultural Complex. - Yoyo R. Abayan (BANAT NEWS)