CEBU, Philippines - Napulo'g tulo (13) na ka teams ang nikompirmar sa ilang partisipasyon sa 3rd Cebu Open IDSF Dancesport Championship nga gipasiugdahan sa Dancesport Team Cebu City karong Septiyembre 26 diha sa Pacific grand ballroom sa Waterfront Cebu City Hotel and Casino.
Gawas sa host Philippines, nalakip sa gitawag nga early birds alang sa tinuig nga kompetisyon mao ang Russia, Indonesia, Myanmar, Vietnam, Singapore, Brunei, Bulgaria, Malaysia, Japan, China, Hong Kong ug Slovenia.
Itandi sa miaging Cebu Open, daghang kanasoran sa Southeast Asia ang mosalmot sa kompetisyon diin ilang gihimong bairan ang kalihukan nga kabahin sa ilang pagpangandam alang sa 25th SEA Games karong Disyembre didto sa Laos.
Ang mga pambato sa nasud naglakip sa Cebu, Samar, Leyte, Dumaguete, Manila, Tacurong, Zamboanga, General Santos, Davao ug Cagayan de Oro City.