CEBU, Philippines - Ang Sugbuanong judoka rising champion nga si Joaquin Nicolo Fernandez gitakdang mulupad karong Agosto 24 uban sa pito ka judo athletes aron morepresentar sa nasud sa 2009 Asian Junior Sports Exchange Games didto sa Japan.
Si Fernandez uban sa iyang amahan nga si Atty.Vicente E. Fernandez II, kinsa mao ang mangulo sa delegado sa Pilipinas sulod sa usa ka semana nga torneyo.
Si Joaquin Nicolo nisakmit na og pipila ka mga medalya sa nagkadaiyang judo tournament lakip na ang bronze medal sa 3rd Philippine Olympic Festival niadtong miaging tuig didto sa Cagayan De Oro.
Uban sa amahan ug anak nga Fernandez mao sila si Vicente Neptuno (deputy team leader), Flordeliza Garcia (manager), Luleo Panganiban (referee), Concepcion Saracanlao (coach) and athletes Bryan Jay Llamas, Marion John Paul Teruel, Macrelli Tecson, Perseus Jason Bruce Wayne Andrsej Reyes, Ma. Isabel Sta. Cruz,Jewel Ann de Castro ug Maria Victoria Ballesser.
Si PJF president David Carter nagkanayon usab nga ang Tokyo Metropolitan Government mao ang muabaga sa tanang galastuhon sa Philippine delegation. - Lemuel P. Maglinte (BANAT NEWS)