CEBU, Philippines - Nipatigbabaw ang abilidad ni Niel Dungog sa Cebu City Komiyokai batok ni Junamar Macaraya sa Gaf Mixed sa Lapu-Lapu, aron malabni ang titulo sa 1st Mayor Sonia Q. Pua Mixed Martial Arts Competition niadtong Sabado didto sa Carmen Sports Center.
Saksi ang nagsugwak nga mga tumatan-aw gikan sa Carmen ug mga silingang lalawigan sa Sogod, Catmon ug Danao City sa gipakitang kusug ni Dungog aron mapukan si Macaraya.
Sa laing MMA bouts, si Ramjess Colina sa Island Grappler midabo-dabo ni Jason Tan sa C-Mac Bullet, si Eduard Mantessa mikulata ni Jover Gonzaga sa Gaf Mixed, samtang si Pablo Santillan sa Durex Dragon mipahunong ni Elueterio Tapdasan.
Mimartsa usab ngadto sa kadaugan ang taga-Mandaue nga si Demetrio de la Torre Jr.human niya gidaro si Johnjer Torbiso sa Durex Dragon.
Sa kickboxing showdown, si John Kevin Villaflor sa Muay Thai Cebu nipaluhod ni Armin Guardiano sa C-Mac Bullet, samtang si Anecito Gesta Jr. midugmok usab sa Pardohanong si Junrey Soquite.
Ang kulbahinam ug makalingaw nga event gipasiugdahan sa chief organizer nga si Bambi Pua Abelgas, production managers Jak Abelgas ug Jan Varian Pua, production consultant Primitivo Giango, event coordinator Eman Kiamco, picket crews Derio Singson, Talino Kiamco ug Junrie Bombita ug effects supervisor Jingjing Daniel.
Nihatag usab sa ilang suporta ang Gold-Colt 45, Rick King sa 6R Mercantile, IPI, Vincent Pua, Chief Engr. Jerry Palermo, Carmelo Pono, Queensland Hotel, Paulito Durano, Kyle Bravante sa Norkis Group of Companies, Ian Borromeo sa Cebu Grand Hotel, Pepe Sanico, Joel Marketing, RJ Glass ug Hazel Sanchez, Richard Lim, Dr. Edwin Aroma, El Padrino Food Stuff, Autotec, Joenic Dimco, Chief Engr. Pablito Mata,Lao Customs Brokerage, Belen Sencio, Narlo Andajao, Bebe ug Consuelo Wenceslao, JP4 Fastfood, Rommel Pono, Ricky Angeles Pono, Jerry Pono sa Carmen National High School, Lito de laTorre sa Asia Brewery, ug Extre Combat Sports MMA. - BANAT NEWS