CEBU, Philippines - Sugdan na karon ang kumbati sa nagkalain-laing events ang mga sakop sa Knights of Columbus (K of C) Visayas Jurisdiction Province of Cebu Councils sa managlahing mga binyu.
Walo ka teams ang mosalmot sa basketball nga gibahin sa duha ka brackets -- Group A ug B.
Mga teams nga nagtapok sa Group-A naglakip sa Metropolitan Cathedral, Shrine of Our Lady of Fatima-Basak, Mandaue, Minglanilla ug Blessed Arnold Janssen, samtang ang Group-B mao ang Gethsemane, Pakna-an, Pardo ug San Roque, Mambaling Council 10099.
Magsangka karon mao ang Mambaling batok sa Gethsemane diha sa Mandaue City Cultural and Sports Complex.
Lain pang mga events nga tigian mao ang bowling ug billiards nga adto duwaon sa Gaisano Bowlingplex sa Banilad, chess ug lawn tennis.
"The Year of the Volunteer" maoy tema sa kasaulogan sa 127th Columbus Day. (THE FREEMAN)