CEBU, Philippines - Human sa dul-an sa tulo ka bulan nga pahulay, ang 2009 MS Motosuit Motocross Series mobalik na sab sa aksiyon pinaagi sa 12th leg nga ulohan og 1st Mayor Shun J. Shimura Motocross Competition karong Domingo diha sa Daanbantayan.
Dili momenos sa 60 ka riders gikan sa Cebu ug sa ubang bahin sa Kabisay-an ug Mindanao ang gipaabot nga mosalmot sa maong kompetisyon.
"For quite sometime, I’ve waited for this day. I look forward to seeing once again the race track full of roaring action and thrills, keeping an eye every minute of the race and not to miss every action," matud pa ni MS Motosuit big boss Lou Ornopia.
Gidumala ni Malou Pepito sa BJ Pepito Racing Team, mao kini ang ikaduhang higayon nga ang Daanbantayan mo-host sa kulbahinam nga aksiyon.
Ang kalihukan gisuportahan sab ni Mariquita Salimbangon-Yeung, Vice Mayor Maria Luisa Loot, Municipal Council of Daanbantayan ug Castrol Power One. – BANAT NEWS