MANILA, Philippines - Pagkakataon naman ngayon ng San Beda –Alabang na ihost ang Looney Tunes Active Fun Run kung saan inaasahan ang maraming bilang ng mga estudiyante at enthusiasts na lalahok sa Alabang Hills, Muntinlupa.
Nakatakda bandang alas-4:00 ng hapon, ang event ay ikaanim na yugto ng school-hopping circuit na tinatampukan ng running clinic ni coach Rio dela Cruz.
Bukas ang pagpapalista hanggang alas-4 ng hapon kung saan magtatanghal din ng fun games ang Nestle at magbibigay ng lootbags na naglalaman ng Looney tunes notebooks, coin bank, party hats, body wash, powder, water bottle at Jack and Jill snacks.
Para sa ilang detalye, tumawag kay San Beda College-Alabang’s taekwondo instructor Ricky Santiago sa 0917-7912542.
Itinatanghal para ipromote ang malusog at aktibong pamumuhay sa mga kabataang may edad 4-12 anyos at kanilang mga magulang, ang event ay proyekto ng Warner Bros. at suportado ng Alaska, Timex watches, Nestle Ice Cream, PT Kino, Sterling, JC Lucas, at Advance notebooks.