CEBU, Philippines – Gihimong sukaranan sa Diabet ang ilang kainit sa ikaduhang kuwarter aron pagtumba sa USC Varsity, 62-46 sa 2009 University of San Carlos Boys High Alumni Basketball Association (USCBHABA) Atan Guardo Barkadahan Cup Second Conference didto sa USC-North campus gym.
Nakabentaha og dos puntos paghuman sa unang kuwarter, 14-12, ang Diabet milusad og makalisang nga rally sa sunod nga kuwarter aron inaton ang labaw sa halftime, 32-18. Ang nabangog nga USC Varsity wala na makarekober sukad niadto kay ang Diabet mipaburot og maayo sa ilang labaw ngadto sa 16 puntos paghuman sa third period, 52-36.
Sa sayo pa, ang Igot Trucking mihakot og daog human midaro sa Sandwich Station sa iskor nga 64-53. Ang Igot Trucking wala mohatag og higayon sa Sandwich Station nga makagukod human mirehistro og 34-26 nga bentaha sa halftime.
Ang 2009 USCBHABA season gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Kidneycare, Diabet, Heartvit, Eyeberry, Athan, Slima ug Hardman.
Puntos Matag Usa
Unang duwa:
Igot Trucking (64) - Saballa 18, Ompad 11, Igad 9, Real 8, Adone 6, Elemino 2, Adone 2, Datan 2, Amomonpon 2, Dalo 2, Peras 2
Sandwich Station (53) - Cuyos 17, Mata 9, Solon 8, Cabutihan 5, Libarnes 4, Cenas 3, Tumakay 3, Mancao 2, Del Rosario 2
Ikaduhang duwa:
Diabet (62) - Relampagos 12, Lu 12, Cabrera 10, Canares 9, Seno 8, Casas 8, Velayo 3
USC Varsity (46) - Omolon 18, Juariza 8, Co 5, Dalangdan 3, Rita 2, Canete 2, Asotigue 2, Belocura 2, Monterras 2, Lora 2 – BANAT NEWS