CEBU, Philippines – Gigarote sa defending champion Teletech Titans ang 1&1 Internet Philippines, 62-53 sa 5th Inter-BPO basketball championship niadtong Lunes diha sa City Sports Club-Cebu gym sa Cebu Business Park.
Nabiyaan og dos puntos ang Teletech sa halftime, 17-19, apan mipahungaw sa ilang kainit ug mipabuto og 25-8 nga bomba sa ikatulong kuwarter aron pagposte og 42-27 nga bentaha.
Sa pasiunang duwa, ang Western Wats mipukan sa Calltek sa iskor nga 69-58 ubos sa paggiya ni Rhett Tomakin, kinsa mi-iskor og 22 puntos.
Sila si Harold Toledo ug Edward Lago nagkumboya og 22 puntos alang sa Western Wats.
Sa laing duwa, si Jopher Regidor, milansang og 12 puntos alang sa Qualfon, kinsa milubong sa Cebu Global sa iskor nga 64-38.
Si Michael Adam Pagadalian maoy topscorer sa Cebu Global pinaagi sa pagrehistro og 16 puntos.
Puntos Matag Usa
Unang duwa:
Western Wats (69) - Tomakin 22, Toledo 12, Rivera 10, Lago 8, Montecillo 7, Poquita 4, Silagan 4, Navarrosa 2
Calltek (58) - Gellez
20, Arroyo 6, Uy 4, Paraguya 3, Abellana 2, Flores 2, Gabuya 2
Ikaduhang duwa:
Qualfon (64) - Regidor 12, Caballero 8, Casane 7, Mangubat 6, Requillo 6, Borgonia 6, Ligan 4, Rayray 4, Andone 3, Lequigan 2, Llesol 2, Ignacio 2, Sequihod 2
Cebu Global (38) - Pagdalian 16, Beleña 7, Melgar 6, Castro 3, Jusayan 3, Quilala 2, Osorio 1
Ikatulong duwa:
Teletech (62) - Limpangog 17, Abordonado 8, Biaño 8, Banua 6, Clemente 5, Sultan 4, Abellanosa 2, Bacasnot 2, Cabahug 2, Mata 4, Martin 2, Laboga 2
1&1 (52)- Guisadio 20, Ong 8, Andrino 7, Redillas 4, Chaves 4, Wagas 4, Garcia 3, Amante 2 – BANAT NEWS