CEBU, Philippines – Giluwas ni Woodrow Enriquez ang Sto. Niño Sounds gikan sa mga kamot sa La Familia quintet human masulod ang iyang three-pointer sa katapusang 13 segundos, 76-75 ug ingon man pagsakmit sa korona sa 2nd Mayor Casiano Gerona Cup didto sa Tabuelan Open basketball court.
Gisakmit sab sa Dodong Lance Five ang third place trophy dihang ilang gilubong ang ABC Selection sa iskor nga 92-76.
Sa lain pang duwa, ang Movie Stars Lakers nga gipangulohan nilang Cesar Montano ug Phillip Salvador mipukan sa Tabuelan LGU Magic sa iskor nga 82-76.
Ang maong basketball tournaments gipasiugdahan ni Hon. Vice Mayor Rex Gerona uban sa suporta ni Hon. Arlie Perez sa lungsod sa Tabuelan. – BANAT NEWS