CEBU, Philippines – Laing kulbahinam nga aksiyon idalit sa Yaw-Yan ArDigma Martial Arts Sports Promotions nga ulohan og "Ground & Pound V: Retribution" karong Agosto 8 diha sa Cebu Coliseum.
Adunay 11 ka teams lukop nasud ug sa Malaysia ang mopakita'g aksiyon ning puno sa aksiyon nga kalihukan, ang maiden-venture sa Yaw-Yan ArDigma Martial Arts Sports Promotions ubos sa liderato ni Master Benigno 'Ekin' R. Caniga Jr.
Mga koponan nga nakaparehistro na naglakip sa host Yaw-Yan ArDigma Cebu, CJRS MMA-DEFTAC Cebu, Soma Kickboxing Club (Yaw-Yan Soma), Arcomjukai Kickboxing Club ug ATC Kickboxing Club sa Mandaue City, Hybrid Yaw-Yan sa Manila, Butuan Extreme MMA, Mindanao Unified Martial Arts (MUMA) ug Wushu Sanshou sa Cagayan de Oro City, Capanay MMA sa Iloilo City ug Tenbudo MMA sa Malaysia.
Ang mga tiket nagkantidad og P100 sa upper box, P300 sa lower box, P500 sa ringside ug P1,000 alang sa VIP.
Alang sa dugang mga kasayoran, niadtong interesado mahimo nga mobisita sa Yaw-Yan ArDigma Headquarters sa third floor sa Villacampa,Capuras Bldg., duol sa University of Cebu (UC)-main campus sa dalan Sanciangko. – BANAT NEWS