Niay unsolicited advice nga akong ipaambit alang niadtong mga nobatos ug magtutuon pa sa dulang bilyar aron mahimong mas epektibo ang ilang pagdula.
1. Bansaya og maayo ang imong breaks. Importante man gud kaayo nga mahimong epektibo ang imong pagpahigayon og break shot aron sa pagsugod pa lang sa dula, ikaw na ang magkontrolar sa billiard table.
2. Kinahanglan nga epektibo ang imong cue ball control. Sa imong pagtira, kinahanglan nga adto gyud mohunong ang bolamano sa dapit sa lamesa nga gusto mong hunongan niini aron pagmugna og laing opening sa imong preparasyon.
3. Kinahanglang agresibo ang imong opensa. Sa imong pagtira, dili maayo nga magduha-duha ka. Kinahanglang determinado ka sa pagpasulod sa object ball ngadto sa pocket ug sa samang higayon, pag-abli og dugang opening o kahigayonan sa pagtira.
4. Pagbaton og overall confidence. Sa imong pagdula, isalikway ang kakulba kay kini maka-demoralize kanimo. Bisan kinsa pay imong ikasangka, salig sa kaugalingon mong katakus ug paningkamot nga makahatag ka'g hugtanay-sa-bakus nga pagpakigsangka sa imong kaatbang. Ni Kobe Bryant pa, "Just believe in yourself."
Kun matuman mo kining maong mga sugyot, nakaseguro kong mahimong mas epektibo ang imong pagdula. Ug dali rang molambo ang imong performance.
* * *
(Mga sugyot ug pakisayod? Text sa 0910-105522)