"One Big Fight!” Mao kini ang kanunay natong madungog nga ‘battlecry’ sa Ateneo Blue Eagles sa dili pa magsugod ang duwa ug matag human gyud sa timeout. Ug samtang nagsugod na ang duwa, lain na sab nga abiba ang atong madungog ug kini ang “get that ball” ilabi na kun sila ang anaa sa defensive position.
Ato na sab nadungog ang makabungog nga One Big Fight atol sa finals sa Friendship Cup batok sa Cebu Landmasters, apan wala kini mahimong yawi sa ilang kadaugan tungod kay ang kasamtangan nga UAAP champion napukan sa mas beteranong Landmasters ni team owner Joe Soberano ug coach Jun Tan nga nidaog, 70-64 aron paglangkat sa kampiyonato.
Kun ang-ang lang o hilaw nga trapping maoy imong himuon batok sa Ateneo, kataw-an lang kini sa ilang mga point guards nga naglakip nilang Jai Reyes, Eric Salamat ug Bacon Austria nga inutok kaayo ang duwa. Walay daghang usik ug kalkulado kaayo ang mga assists aron sayon rang pasudlon ang tirada sa ilang mga kauban.
Ang pagbungkag sa trapping defense maoy kinaon sa Eagles - kini maoy ilang inspirasyon nga mohimo sila’g maayong lakang unsaon pagsulbad ug makita sab ang ilang pagka-disiplinado. Usa sa sakop sa Blue Eagles mao si Christopher Sumalinog, anak ni kanhi UV Lancers coach ug karon coach sa Don Bosco nga si Hermes Sumalinog Sr. Siya maoy kamanghoran sa tulo ka anak ni Hermes nga basketball players sunod ni Michael sa UST Growling Tigers ug Hermes Jr. sa Mapua Institute of Technology (MIT) Cardinals.
* * *
Gihimo ang Friendship Cup isip tune-up match alang sa Ateneo ug alang usab sa Hapee-CESAFI Selection ilabi na kay magsugod na sab ang laing edisyon sa CESAFI karong Agosto.
Dili bag-o kanatong mga Sugbuanon ang pagbisita sa Ateneo ilabi na niadtong wala pa mabungkag ang Cebu Basketball Federation (CBF). Si Jack Huang, kinsa usa ka Atenista ug opisyal sa Hapee Toothpaste nga gipanag-iya sab og usa ka Ateneo alumnus nga si Cecilo Pedro, maoy labing unang presidente sa CBF. Dayon nisunod si Lito Gillamac sa wala pa kini hingpit mabungkag niadtong 2005.
Animo Ateneo.
Ang laing misalmot sa upat ka adlaw nga torneyo mao ang Smart-Pampanga Buddies ni coach Allan Gregorio nga bisan og midaog lang og kausa, mao gihapon ang nakaangkon sa ikatulong dapit human ilang gilubong ang CESAFI Selection, 92-67.
Maayo unta og matag tuig adunay pagahimuon nga mugbong torneyo ang CESAFI aron sab kita makakita og mga players gikan sa Manila.
Congratulations ngadto sa mga organizers sa Friendship Cup nga sila si Jack Huang, Joe Soberano, Atty. Merong Estenzo, Boy Tiukinhoy ug commissioner Mon Fernandez.
* * *
SG Miscellaneous. Advance Happy Father's Day to all fathers, including the fathers who are not husbands.
Congrats to the newly-wed Hon. Ronald Dagatan of Labangon and his wife Frangil who were knotted into the sacrament of matrimony last June 6.
Last June 10, I received a frebbies from my friend Rey Yncierto of Oxnard, California he sent thru his protegee UC Webmaster Kevin Quilantang, the glamour boy of the CESAFI. He promised to send me a Lakers t-shirt marked Western Conference champion and if the Lakers will win the NBA title, maybe another shirt marked Lakers 2009 NBA champion will come in the next few days. Salamat Rey Yns.