CEBU, Philippines - Gibuksan na niadtong Domingo ang Dino Faelnar's Cup summer basketball tournament diin adunay kinatibuk-ang 24 ka teams ang nisalmot sa seniors ug midget divisions didto sa Guadalupe Sports Complex.
Ang Faelnar's Cup pagahimuon sa matag adlaw'ng Martes, Huwebes ug Sabado.
Kining maong torneyo gipaluyohan sab sa Guadalupe Barangay Council.
Gawas nga hayag na kaayo ang gym, aduna na sab kini bag-ong electronic scoreboard ug duha ka bag-ong fiber glass boards nga gipahimo sa Clear shampoo.
Adunay 16 ka teams ang misalmot sa seniors division ug walo ang misalmot sa midget division.
Ang mga teams nga misalmot sa seniors division mao ang GAA Selection ni playing coach Dr. Boy Te, Evan Hulga, Scorpion, Sto. Niño ug Nika alang sa Group-A, Singson Compound, Marlita, Rosal, Jamaica ug Green Village alang sa Group-B ug Fairlane Village, CYPA, Avon Talisay, Banawa (Riverside) Buena Hills Subdivision ug Caballes Compound alang sa Group-C.
Ang walo ka teams sa midget division mao ang Green Village, Samantha, Guadario,Central Pangpang. Caimito, Eyha, Caballes ug Scorpion.
Ang mga sakop sa technical committee mao sila si Gil Gonzales sa Cebu City Sports Commission, Lito Posadas ug businessman Michael Granada sa Jaymar Sportswear. - Gabby G. Malagar (BANAT NEWS)