CEBU, Philippines - Gibanatan sa Purok 5 ang silingang Purok 6, 93-83 aron pagsakmit sa korona sa Inter-Purok division sa Nangka Fiesta Basketball League didto sa barangay Nangka, Consolacion.
Ang Purok 5 nga maoy nidominar sa kinatibuk-ang duwa gipangulohan ni Litoy Pascua, kinsa mikubkob og 25 puntos.
Gitukod ni kanhi University of the Visayas (UV) assistant coach Ferdinand 'Bong' Pineda, ang liga nagmalampuson pinaagi sa pagsuporta sa Nangka barangay council ubos sa liderato ni Brgy. Capt. Rey Cataluña.
Ang liga gipadagan nilang Bebot Gorgonio, Alex Rupal, Crispel Naya, Hortellano ug Guiay Saavedra ug gidumala ni commissioner Neil Congson.
Puntos Matag Usa
PUROK 5 (93) - Pascua 25, Ababa 14, Malunja 10, E. Congson 10, B. Congson 10, Ponce 10, Casas 8, Del Rosario 2, Dagatan 2, Rupal 2
PUROK 6 (83) - Repullo 34, Alcover 17, V. Tibon 8, J. Tibon 6, Bada 5, Daligdic 2, Pe 2, Postado 2, Soon 2, Barquero 2, Rodrigo 2 (YRA). - BANAT NEWS