CEBU, Philippines – Nidaog og silver medal sila si Kimberly Mae Dominic Lao ug Dyan Arcel Coronacion sa doubles competition sa 11th Asian Schools Championships didto sa Kong Bowling City sa Hong Kong.
Ang duha ka Sugbuanon mitumba og 2,657 pins aron masakmit ang ikaduhang puwesto.
Ang torneyo nga gisalmotan sa amateur bowlers sa tibuok Asia gidominar nila ni Kim Ji Yeon ug Ui Jin Sims sa Korea nga maoy misakiyo sa bulawan sa ilang 2,756 pins. Laing Sugbuanon nga nasulod sa top 10 mao sila si Marie Alexes Sy ug Liza Andrea, ug sila si Jomar Jumapao ug Kenneth Chua nga mipahiluna sa ikapito nga dapit. Hinuon, si Jumapao mikabkab og bulawan sa single’s event. – BANAT NEWS